Владата на Грција преживеа гласање за доверба во парламентот кое беше побарано од премиерот Алексис Ципрас скоро две недели пред изборот за Европски парламент.
За владата на премиерот Алексис Ципрас гласале 153 пратеници од 300. Неговата лeвичарска партија Сириза има 145 места во парламентот, но добил поддршка и од 8 независни пратеници.
Ципрас сакаше да добие поддршка од парламентот за да ја зајакне својата положба пред европските и локалните избори на 26. мај и парламентарните предивдени на есен.
На тридневната расправа што започна во средата попладне и траеше околу 29 часа, збор зедоа 112 говорници, меѓу кои и премиерот, лидерите на политичките партии и министри од Владата.
На гласањето му претходеше обраќање на лидерите на политичките партии, а расправата со говор ја заврши грчкиот премиер.
