Чувството кое предизвикува напад на паника е тешко да му се опише на некој кој никогаш не го доживеал, а уште потешко е тој да се снајде и да ѝ помогне на личноста која го преживува.
Во ваков случај можете да забележите дека личноста се тресе, нејзиното срце чука побрзо, се поти, мускулите ѝ се грчат, чувствува мачнина и вртоглавица, повраќа и чувствува вкочанетост во рацете и нозете. Лицето кое има паничен напад во тој момент губи допир со реалноста.
Иако епизодите на нападот обично проаѓаат во рок од 20 минути, постојат неколку работи кои можете да ги направите за да си помогнете себеси или на лицето кое поминува низ тежк момент. Овие три техники ќе ви бидат од корист:
Пробајте дишење од дијафрагма
Нападот на паника ве “фрла” во психолошки стрес бидејќи телото мисли дека ви треба заштита. Една од најважните техники е длабокото дишење од дијафрагма. Во текот на паничните напади, телото хипервентилира, а здивот се скратува – ова испраќа сигнал до мозокот дека сте под стреc, а дишењето од дијафрагма дека сте добро и дека треба да се опуштите.
Преобликувајте ги мислите
Кога доживувате паничен напад, пробајте да мислите сосема поинаку. Треба да ги отстраните мислите кои ве плашат и да се фокусирате само на позитивните работи. Потсетете се дека тој напад не трае долго и дека ќе пројде.
Немојте да избегнувате некои места и ситуации
Лицата кои патат од панични напади имаат тенденција да избегнуваат места, луѓе или работи кои ги поврзуваат со нападите. Доколку сте имале паничен напад во некој ресторан, не престанувајте да одите во тој ресторан. Доколку нападот се случил во текот на возењето автомобил, не се откажувајте од тоа. Со избегнувањето нема да изградите самодоверба и сила да се спротивставите на таквото чувство.
