Томислав Тунтев, пратеник од редовите на СДС од Охрид кој за само три месеци направил патни трошоци во висина од речиси 2.000 евра, и покрај тоа што поседува станови во Скопје во кои можел да отседне без да прави дополнителни трошоци на граѓаните, денес влегол во директна конфронтација и обид да замолчи новинар кој јавно го запраша зошто и како успеал да потроши толку пари
Координаторот на пратеничката група на СДС Томислав Тунтев од Охрид, важи и за еден од побогатите пратеници во новиот состав на Собранието со два луксузни станови во Скопје, два луксузни автомобили, мопед како и имот во Охрид.
И покрај ова, алчниот Тунтев наместо да се одважи и во духот на кампањата која тој со неговата партија ја водеа за „Живот“, и да ги одбие додатоците за патни трошоци, тој успеал да земе што повеќе, па наместо со неговото Рено Каптур, по се изгледа дека од Скопје до Охрид и обратно вози со Рено Ф1 болид.
Фатен во тесно, истиот овој пратеник денес преку ФБ се нафрлил врз една новинарка, обвинувајќи ја дека лажела за неговите трошоци и манипулирала. Вистината сепак, е како шило. Па така новинарката Јорданка Ивановска – Јоци, соодветно и со факти му одговорила на обидот за цензура.
