Либерална Америка вреска по Доналд Трамп поради наводните врски со Русија, а соработката со најсуровиот режим на светот, монархијата Саудиска Арабија, воопшто не им смета
Откако стана претседател, првата посета на Трамп во странство беше посетата на СаудискаАрабија, за која имаше остр зборови во предизборната кампања, кога зборуваше за врските на Хилари и саудиската монархија и ја опишуваше Саудиска Арабија како место каде „фрлаат гејови од згради“, „убиваат жени и ужасно ги третираат“. Дури ги поврзуваше со терористичкиот напад во Њујорк на 11.септемри 2001. година, наведувајќи дека можеби Саудијците стојат позади тие напади.
Во моментите кога е на дело невидената кампања во САД во рамки на која медиумите на секој можен начин се обидуваат да го поврзат Трамп со владата на Руската Федерација, човек мора да си го постави прашањето, зошто американските медиуми не врескаат поради врските на Трамп со Саудиска Арабија. Саудиска Арабија е земја во која хомосексуалноста се казнува, жените не смеат да возат автомобили и неброени безобзирни кршења на основните човекови права. Освен тоа, Саудиска Арабија обезглавува луѓе на градските плоштади или ги обесува од кранови, а да не спомнуваме и многу полоши работи: од 19 терористи кои го извршија нападот на САД на 11 септември 2001 година, дури 15 се од Саудиска Арабија, а самата Саудиска Арабија пружа финансиска и логстичка поддршка на ИСИС. Ако овие работи би се случувале во некоја држава непријател на Америка, одамна таа земја би се нашла на мета на „хумантиарната интервенција“ на САД.
Оттука и надежите дека нешто во светот ќе се промени на подобро по доаѓањето на Трамп, паѓаат во вода, а особено надежите на Македонското раководство.