Централната банка на Турција во текот на 2017. година ги повлекла сите златни резерви од американските Федерални резерви.
Како што пишуваат медиумите, одлуката за повлекување на зладните плочки е донесена поради заострувањето на односите меѓу Анкара и Вашингтон по повеќе регионални и билатерални теми.
Систематското повлекување злато од амеканските Федерални резерви почнало во 2017. година. Во САД биле чувани 28,7 тони од драгоцениот метал.
Потврда за таа информација се наоѓа и во официјалниот извештај на Централната банка од април месец. Во делот за резервите во САД, за 2016. се наведува цифра од 28.689 килограми злато, додека во следната година тоа поле е пречкртано. Вкупниот обен на златни резерви на земјите, како што пишува во извештајот, се проценува на 565,6 тони, односно 20 милијарди долари во парична противвредност.
Златото кое е повлечено од САД делумно е вратено во Турција, додека остатокот е распределен во Европа.