ТУРЦИЈА ЈА БЛОКИРАШЕ ГРАНИЦАТА СО БУГАРИЈА: Се бара терористот од Истанбул за кој се верува дека планира да избега во Бугарија!

- Advertisement -

Турските власти денеска ги блокираа патиштата околу градот Киркларели, во истоимената провинција, кои водат кон бугарската граница, стравувајќи дека осомничениот за нападот во ноќниот клуб „Реина“ за време на новогодишната ноќ би можел да побегне во Европа преку Бугарија.

Властите објавија високо ниво на тревога.

Бугарската агенција БТА јавува дека специјални единици ги проверуваат автомобилите кои влегуваат и излегуваат од земјата, како и патниците кои ја напуштаат Турција преку Киркларели.

На граничниот премин Дерекој-Малко Турново се зајакнати безбедносните мерки и испратени се дополнителни полициски сили.