Полицијата попладнево го приведе Суад Мемеди, советник на пратеникот Курто Дудуш.
Мемеди е уапсен под сомнение дека барал мито за легализација на куќа. Полицијата го фатила со парите кои ги зел како мито. Осомничениот во моментов е на распит во полициска станица, а ќе биде изведен и пред надлежен судија.
Инаку Мемеди е дел од групата на потпретседателот на СДСМ Мухамед Зекири и негов близок соработник.
Советничкото место на Мемеди беше загарантирано, благодарение токму на Зекири кој, како што дознаваме вршел голем притисок за време на изборите, Мемеди да добие добитна позиција на изборните листи за советници.