Полубратот на Севернокорејскиот лидер Ким Јонг Ун е убиен во Малезиј, потврдува локалната полиција, пренесува Ројтерс. Причината за смртта сеуште е непозната. Претходно, полциијата за Ројтерс изјавила дека неидентификуван човек е починал на пат до болница од аеродромот во Куала Лумпур
Подоцна е потврдено дека се работи за постариот полубрат на лидерот на Северна Кореја Ким Јонг Ун. Јужнокорејската телевизија Чосун известува дека Ким бил отруен на аеродромот од две жени за кои се смета дека се оперативци од Северна Кореја.
Жените се во бегство според медиумот, кој цитира повеќе владини извори.
Постариот полубрат на лидерот на Северна Кореја, Ким Јонг Нам често претстојувал надвор од Северна Кореја, и јавно зборувал против контролата која ја има неговото семејство врз земјата.
