По објавувањето на анонимното писмо кое пред два дена пристигна на адресата на редакцијата на „Инфомакс“, денес добивме уште една потврда за случувањата во врска со т.н. прогон на припадници на навивачката група „Комити“.
Полициски извори, тврдат дека „Комитите“ се секојдневно следени на подрачјето на општина Аеродром, Кисела Вода, Драчево и Ново Лисиче и дека за секој од нив поединечно има евиденција во УБК.
Точно е дека МВР подолг период не следи сите членови на Комити, по социјалните мрежи тоа е највеќе застапено но и на нашите ФБ групи. Не постои член на навивачката група Комити од подрачјето на Аеродром, Кисела Вода, Драчево и Ново Лисиче кој не е заведен во оперативните евиденции на УБК бидејќи за тоа подрачје е одговорен Албанец. Никој од овие млади луѓе не помина на конкурсот за полицајци на МВР на последниве огласи токму поради ваквите оперативни евиденции каде дознаваме дека сме заведени како македонски екстремисти. Ова е жигосување на млади луѓе кои си ја сакаат својата земја, а по ниеден основ немаат фер шанса како сите други граѓани на Македонија да работат за нејзините институции. Ве молам да се објави јавно ова за да знае македонскиот народ до каде оди ова лудило против Комитите – стои во пораката испратена до нашата редакција.
Ваквото заплашување со ограничување на слободата на движење и делување во рамки на законот и демократските права не е забележано од мрачните времиња на претходниот, комунистички систем во Македонија, и тоа против луѓе кои се загрижени за губењето на сопствениот идентитет и држава.
