Македонија практично ќе се претвори во Албанија доколку владата во Скопје ја формираат опозициските Социјалдеморкати на Зоран Заев и ДУИ на Али Ахмети – пишува српски Информер. Лидерите на двете партии се договориле да нправат коалиција со тоа што Заев се согласил на тоа албанскиот јазик да биде рамноправен со Македонскиот на целата територија на државата – се додава во текстот на Информер
Со оглед на тоа што СДСМ на изборите на 11 декември освои 49 мандати во Собранието, а ДУИ 10, на Заев му треба поддршка на уште двајца пратеници. Нив може лесно да ги добие, имајќи во предвид дека уште една албанска партија БЕСА, која доби пет мандати во парламентот, претходно вети дека ќе даде поддршка доколку се прифати „албанската платформа“.
Меѓутоа, Македонците, иако посакуваат што побрзо формирање на Влада за земјата да излезе од политичката криза по две години, стравуваат дека коалиција помеѓу СДСМ и ДУИ ќе предизвика земјата да го изгуби својот идентите, пишуваат медиумите во регионот.
Така, мнозинството граѓани на Македонија повеќе сакаат на власт да ја видат ВМРО-ДПМНЕ и премиерот Никоа Груевски. Таа коалиција на изборите доби и највеќе гласови и 51 место во парламентот, но ги одби уцените од ДУИ, односно не успеа да формира влада – анализира српски Информер.
Освен тоа, Македонците стравуваат дека коалиција СДСМ-ДУИ на власт ќе биде алатка преку која Еди Рама ќе ја крои судбината на земјата. – пишува Информер.
