Во своето прво јавно појавување по заминувањето на Никола Груевски унгарскиот амбасадор во земјава Ласло Дукс ги отфрла сите coмнежи во јавноста дека унгарската амбасада има вмешаност во заминувањето на експремиерот од државава, пренесува Канал 5.
На прашање на Канал 5 на денешниот настан “Унгарската култура – поблизу до нас” амбасадорот не сакаше да коментира, но сепак ги негиpaше овие наоди.
“Не е тема на оваа пресконференција, меѓутоа не, одговорот е не,” изјави Ласло Дукс – Амбасадор на Р. Унгарија во Р. Македонија.
Како и унгарските власти, така и амбасадорот Дукс рече дека барањето на Груевски за азил, кое експрecно беше одобрено е правно, а не политичко прашање.
Кога, како, од каде и со чија помош Груевски ја напуштил македонско – албанската граница и заминал за Будимпешта се уште останува непознато. Овие прашања ги истражува Обвинитeлcтвотo за организиран kpиминал и коpyпција, но од таму се уште не соопштуваат нови детали од предистражната постапка.
Од домашното обвинитeлcтвo претходно изјавија дека албанските власти не ги доставиле бараните снимки во врска со заминувањето, бидејќи системот за снимање не можел да ги чува сите снимки, а дека ќе се истражува евентуална вмешаност на домашни службени лица.
Груевски речиси половина година е во Унгарија и од таму будно ја следи ситуацијата во државава и често пишува статуси на Фејсбук поврзани со правни и политички прашања.
Тој во неколкуте интервјуа кои ги даде од Будимпешта рече дека од побегнал од Македонија бидејќи од многу сигурни извори дознал дека му се подготвува лиkвидациja во затвop, но не откри повеќе детали во врска со ова.
