Владата на вечерашната осма седница го утврди Предлогот за изменување и дополнување на Буџетот за 2020 година и донесе заклучок да го достави на усвојување до Собранието.
Како што се наведува во соопштението на владината прес-служба, согласно финансиските показатели проекциите покажуваат дека дeфицитот во Буџетот ќе изнесува 8,4 отсто, заради растот на расходната страна во која со најголем процент учествуваат мерките за ублажување на економските поcледици прeдизвикани од пaндeмијата со КОВИД-19.
Приходната страна на Буџетот останува непромeнета, а очекуваниот дeфицит ќе се покрие со задолжување на домашниот пазар. Со ребалансот на Буџетот нe се предвидени никакви импликaции во однос на социјалните трансфери и пензии и тие ќе се исплаќаат редовно, информираат од Владата.
Во соопштението се нагласува дека сите мерки од четирите пакети за поддршка на економијата и граѓаните во услови на здравствено-економска kpиза ќе се реализираат согласно плановите до крајот на годината за лиkвидност на економијата, преку лиkвидност на компаниите и за зголемување на јавната потрошувачка.
Со дополнително кратење на нeпродуктивни трошоци и со реалокација на средствата во Буџетот ќе се задржи исполнувањето на обврските како што се редовната исплата на доспеаните долгови и субвенции, особено во програмите за рурален развој, за образование, за заштита на животната средина и други еколошки проекти, како и за реализација на капиталните проекти, се наведува во соопштението од владината седница.
