Утрово на патот Пробиштип-Кратово кај местото Кундиска Барака избувна пожар во автобус кој превезувал припадници на АРМ до касарната Илинден во Скопје.
Според очевидци, автобус на компанијата „Тритерол“ кој превезувал припадници на АРМ од Пробиштип до Скопје засега од непознати причини се запалил. За среќа нема повредени и жртви, причинета е само материјална штета.
Екипите на противпожарната бригада излегла на терен, а според сликите се гледа дека возилото е целосно опожарено и изгорено.
Настанот се случил во 6:15 утрово и е евидентиран од станата на ПС Пробиштип.