Поранешниот премиер Никола Груевски, на рочиштето за неговата жалба во врска со случајот „Тенк“, по три барања за изземање на Судечкиот совет, в.д. претседателот и заменикот на Апелација, извади лист од џебот и прочита дека на некои информативни портали излегла информација за сомнежи во АКМИС-от при изборот на Судечкиот совет – пренесе 1ТВ
Тој побара и Судскиот совет и Врховниот суд да се позанимаваат со овие сомнежи, а судијката Цветанка Периќ одобри уште една пауза од 10 минути.
Според судијката Периќ АКМИС системот не може да претставува причина за оштетеност на судиите. Седницата продолжи со читање на пресудата од страна на судијата известител. Поради обемноста на предметот претседателката на судечкиот совет рече дека ќе ја прекине расправата и ќе закаже друг термин за продолжување на седницата.
Претходно, Инфомакс објави информација и видео кое ги разгоре сомнежите во АКМИС системот.