Министерството за внатрешни работи соопшти дека 34 годишниот Г.Ј од Гевгелија, вчера бил уапсен за кражба од 29-ти ноември, кога насилно влегол во полициската станица во градот и украл марихуана.
Според информациите на полицијата, тој од просториите на отсекот за крим-техника при ОВР Гевгелија, одзел 24 суви растенија Канабис сатива и спакуван материјал за вештачење во вреќа во која имало пластични шишиња од течно ѓубриво, две пластични туби, нож и 25 врвови од 25 растенија Канабис сатива.
МВР соопштува и дека при претресот на домот на пријавениот во Гевгелија, биле пронајдени одземените предмети а тој се однесувал агресивно и им се заканувал на полициските службеници , по што бил лишен од слобода и задржан во полициската станица во Гевгелија.