Вакцинирањето против сезонски грип се одвива непречено.
Вакцини и термини има за сите заинтересирани граѓани, соопшти министерот за здравство Венко Филипче.
Во изминатата недела, 3270 граѓани примиле бесплатна вакцина, а 126 граѓани преку матичен лекар резревирале термин, но не се појавиле на закажаниот пункт.
Секој петок од тековната недела ги отвораме термините преку системот Мој Термин.
Апелираме до граѓаните кои закажале термин за вакцинирање да се појават на пункт за вакцинација, доколку се спречени, резервираниот термин да го откажат, напиша Филипче на фејсбук.