Почина Ева Крстаноска, девојчето од Пештани за коe не се собраа пари за лекување. Додека милиони се потрошија и трошат за кампањата за престојниот референдум за самоукинување, министерството за здравство немаше пари за лекувањето на малечката Ева.
Малата Ева веќе една година се бореше со многу редок вид на леукемија. Во еден момент состојбата и беше влошена поради што беше неопходно веднаш да замине на операција во Германија.
На социјалните мрежи, гневни родители остро ги нападнаа институциите поради негрижата за овие деца.
Хумани граѓани, организации, компании и поединци изминатиот период организираа бројни настани и активности за помош на Ева која требаше да замине на операција во Германија.
За жал нејзиното храбро срце не ја издржа битката со болеста.
Граѓаните гневни поради нејзината прерана смрт и негрижата на институциите својот гнев го истурија на социјалните мрежи.
Милијарди за да се спроведе референдумот, а само 12 илјади евра и требаа на Ева за нејзиниот живот, кај се сега шарените на протест за Ева како што беа за Тамара? @OgnenJaneski @VenkoFilipce @VladaMK, вели еден граѓанин.
