Поранешната пратеничка од СДСМ и сопартијка на Заев – Солза Грчева формираше нова партија „Глас за Македонија“ која ќе дејствува опозициски.
Како што вели лидерката, партијата ќе се обиде да воведе нова култура и однесување на политичката сцена.
Формирањето на партијата Грчева го најави уште кон средината на минатата година кога преку социјалните мрежи ги повика сите заинтересирани граѓани да се приклучат кон иницијативата, и да го дадат својот потпис за основање на партијата.
Вчера, во хотелот „Александар Палас“ се одржа основачкото Собрание на кое и официјално беше формирана партијата.
Грчева важи за силен критичар на актуелната власт под водство на нејзината претходна матична партија.
„Првите денови се разбира ќе се бориме со нашите најжестоки проблеми, а тоа е да си го зачуваме Уставното име. Ќе бидеме вклучени на секаков можен начин. Јас и како дел од интелектуалците бев вклучена, но и Глас за Македонија секако ќе се вклучи“ – вели Грчева.
