(Фото) Дoктopитe ѝ ce пoклoниja нa девојката чиe ceмejcтвo oдлyчи дa ги дoниpa нejзинитe opгaни

Поврзано

- Advertisement -
- Advertisement -

На Клиниката за кардиологија во Скопје ноќеска е извршена втора трансплантација на срце. Операцијата е успешна, изјави министерот за здравство Венко Филипче.

„Срцето е прифатено, пациентот постепено се буди“, изјави за МИА министерот за здравство Венко Филипче, по трансплантацијата на срце кај 27-годишно момче од девојка-донор на слична возраст, која починала како последица на сообраќајна несреќа.

Новото донирано срце, според Филипче, кај момчето зачукало во 3 часот и 33 минути изутринава.

„Ова е втора извршена трансплантација на срце во историјата на државата, на Клиниката за кардиохирургија. Честитки до сите колеги и благодарност до целиот тим кој во текот на целата вечер неуморно работеше. Ова е огромен успех на македонското здравство, кој немаше да биде возможен без согласноста за донирање органи од семејството на младата пациентка која прерано го загуби животот. Горд сум на моите колеги“, напиша министерот за здравство Венко Филипче на својот Фејсбук профил.

Статус на Фејсбук може да погледнете ТУКА.

Тој објави и фотографија на која е прикажан лекарскиот тим кој ѝ се поклоува на младата девојка, чие семејство одлучи да ги донира нејзините органи. Филипче напиша:

„Историска фотографија, докторите ѝ се поклонуваат на младата девојка чие семејство одлучи да ги донира нејзините органи. Нејзиниот млад живот трагично згасна, но нејзиното срце спаси друг млад живот. Нема зборови со кои може да се искаже благодарноста кон семејство. Нема зборови со кои може да се опише алтруизмот и големината на чинот на органодарителство. Во моменти на длабока тага да се донесе одлука за донирање на органите на блиските е дефиниција за хуманост.“

Статус на Фејсбук може да погледнете ТУКА.

Според македонскиот министер за здравство, постои потенцијал за уште една трансплантација.

„Денеска за жал кај нас има млада почината пациентка, има согласност за донација на органи од семејството и сега се прават проверки и во однос ХЛА типизацијата за тоа дали може да се направи трансплантација и на срцето и на бубрезите. Ако се најдат соодветни реципиенти, во текот на денешниот ден сѐ ќе се заврши“, рече вчера Филипче.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This