Утрово, не цели 24 часа откако беше промовиран како кандидат за иден градоначалник на Ранковце, во маркетот кој го држи Борче Спасовски влегоа десетина инспектори. 12 инспектори од пазарна, финансиска полиција и УЈП влегле да прават контроли во дуќанот на Спасовски и одзеле компјутерите за работа во маркетот „Динамит“ во селото Ранковце, сведочат жителите на ова место.
Семејството на Спасовски е убедено дека инспекторите се дојдени по налог на вицепремиерот за корупција и криминал Љупчо Николовски кој е од Крива Паланка и е одговорен во партијата за овој крај на Македонија.
Неофицијално, дозннава Инфомакс, по завршената инспекција, инспекторите биле на ручек во ресторан „Воденица“, во Крива Паланка, кој, пак, е во сопственост на кандидатот за градоначалник од СДСМ за Крива Паланка.