- Advertisement -
- Advertisement -
„Важно е да се помогне во Драч. Има загинати и повредени, а штетите се големи“, порача пратеникот на ВМРО-ДПМНЕ, Влатко Ѓорчев, кој денеска несебично помагаше на погодените од земјотресот во Албанија.
Пратеникот денеска присуствувал на конференција во Тирана, со учесници од целиот Балкан, а кога слушнале дека е потребна помош заминале за приморскиот град Драч.
Ѓорчев на фејсбук ја сподели информацијата дека растовариле два камиони со вода, сокови и кутии со храна, а порача доколку треба дека ќе учествува во расчистувањето на урнатините.
– На Балканот мора повеќе да си помагаме. Скопје е град на солидарноста. Град изграден од пепелот на земјотресот. Наша обврска е да помагаме, а Македонија е добар сосед, напиша Ѓорчев на друштвената мрежа.
