Вевчанецот што специјалците на МВР го уапсија на карневалот за Василица пред десет дена стана магистер
од областа на Уставното право.
Ѓорѓи Влајкиноски кому МВР му поднесе три прекршочни и една кривична пријава која може да го однесе в затвор магистрирал на темата “Децентрализацијата и македонскиот систем на локалната самоуправа со посебен осврт на општина Вевчани”.
На одбраната на магистратурата на Влајкиноски врвна менторка била Проф. д-р Тања Каракамишева а членови на комисијата биле Проф. д-р Александар Спасеновски и Проф. д-р Денис Прешова.
Доколку Јавното обвинителство ја прифати Кривичната пријава за Влајкиноски тој може да помине една година в затвор.
Ѓорѓи Влајкиноски е претседател на месниот комитет на ВМРО-ДПМНЕ во Вевчани и тој беше единствениот уапсен на карневалот во Вевчани иако стотици луѓе за време на карневалот не носеа маски и ги фотографираа учесниците.
За многумина апсењето на Влајкиноски се доживува како обид на власта да го елиминира од трката за градоначалник на Вевчани каде тој е исклучително популарен без разлика на париската припадност и се очекува да победи уште во првиот круг ако одлучи да се кандидира.
Влајкиноски кој сега стана магистер и формално најголем експерт за локалната власта во Вевчани негира дека планира да се кандидира за градоначалник на неговото родно место познато по нескротливиот дух и надалеку позната духовитост.
https://twitter.com/gjorgjiVV/status/1352619204697088002?ref_src=twsrc%5Etfw%7Ctwcamp%5Etweetembed%7Ctwterm%5E1352619204697088002%7Ctwgr%5E%7Ctwcon%5Es1_&ref_url=https%3A%2F%2Fexpres.mk%2Fvevchanecot-shto%2F