Поради пандемија на коронавирусот, студент од Велика Британија итно го напуштил изнајмениот стан во кој живеел откако неговите родители се појавиле пред вратата за да го однесат дома.
Во брзањето го оставил прозорецот во станот отворен, а шест месеци подоцна добил повик од управителот на зградата. Тие му покажале фотографии од станот што го шокирало 20-годишниот Олувагеорг Џонсон.
Имено, гулаби се вселиле во неговиот стан, па сè било покриено со птичји измет и пердуви. Во мијалникот имало дури и птичји јајца.
Олувагеорг Џонсон е студент за медиуми и комуникации на Универзитетот во Нотингем Трент и иако размислувал наскоро да се врати во станот, сега ќе чека уште малку.
„Никогаш повеќе не го оставам прозорецот отворен“, рече 20-годишникот.