Францускиот амбасадор во Белград, Фредерик Мондолини, му се извини на српскиот претседател Александар Вучиќ и на српскиот народ.
Тој рече дека она што се случи со распоредот за седење на гостите во Парис кои присуствуваа на церемонијата по повод стогодишнината од крајот на Првата светска војна е за жа лење.
„Со Србија сме многу блиски, Србија загуби речиси една третина од своето население во Првата светска војна, 62 проценти од машката популација. Не знам што се случи. Велам дека тоа беше грешка и ги молиме претседателот Вучиќ и српскиот народ за извинување“, изјави Мондолини.
На вчерашната церемонија во Париз, во првиот ред беа францускиот претседател Емануел Макрон, американскиот претседател Доналд Трамп, рускиот претседател Владимир Путин, германската канцеларка Ангела Меркел.
