Косовскиот премиер Рамуш Харадинај ги прими членовите на семејствата на осудените лица од т.н. кумановска група во случајот „Диво Насеље“ и им вети поддршка – пишуваат албанските медиуми, пренесува Експрес.мк
„Премиерот Харадинај слушна за загриженоста на членовите на семејствата, за состојбата, како и за казните на граѓаните на Косово задржани во Македонија. Членовите на семејствата на осудените рекоа дека казните изречени од Судот се неприфатливи и оти не се совпаѓаат со ниту еден принцип на правдата.
Премиерот Харадинај ги увери членовите на семејствата дека Владата на Република Косово е во служба на сите граѓани на Косово и оти ќе ги поддржи членовите на семејствата во текот на овој процес“, стои во соопштението од средбата.