Хари и Меган повеќе нема да ги користат кралските титули и нема да добиваат пари од јавните средства кои се користат за исполнување на кралските должности, објави Бакингемската палата.
Тие ќе треба да вратат 2.4 милиони фунти – колку што чинеше реновирањето на резиденцијата Фрогмор, што било платено со парите на даночните обврзници. Сепак, оваа куќа ќе остане нивевн семеен дом.
-Парот веќе нема формално да ја претставува кралицата Елизабета Втора, овие одредби ќе стапат во сила на пролет оваа година, се вели во дописот од Бакингемската палата.
Хари и Меган на почетокот на месецов најавија дека веќе нема да бидат формални членови на кралското семејство.