Холандскиот шеф на дипломатијата Халбе Зијлстра поднесе оставка ден откако призна дека лажел дека лично чул како рускиот претседател Владимир Путин зборува за Голема Русија.
Зијлстра претходно тврдеше дека лично присуствувал на состанок на кој Путин рекол дека ја разгледува можноста Белорусија, Украина и Балтичките земји да бидат дел од Голема Русија.
Тој сега призна дека лично не присуствувал на состанокот, туку дека приказната ја измислил. Истакна дека сметал тогаш така требало да зборува за работа кои се од геополитички интерес.