Хрватската спортистка, Сандра Перковиќ, убедливо победи на атлетскиот митинг во Загреб. Успешно фрлениот диск и резултатот од 67.6 метри, таа го прослави со добро познатиот симбол на „албанскиот орел“.
Поради овој симбол, албанските фудбалери од репрезентацијата на Швајцарија, Џака и Шаќири мораа јавно да им се извинат на сите и за истиот добија парична казна.
После фрлањето, Перковиќ ги прекрсти рацете и потсети на мечот Швајцарија-Србија на СП 2018.
На прашањето на новинарката на ХРТ што значеше овој потег на спортистката, таа одговорила:
-Ма, каков орел, тоа само значеше дека дискот конечно полета и слета таму каде што требаше.