ХРОНИЧНО БОЛНИТЕ ЌЕ ДОБИЈАТ МАСКИ, МИНИСТЕРОТ НЕ ЗНАЕ КАКО ДА ГИ ПОДЕЛАТ: Министерот Филипче соопшти дека 43.000 маски за заштита од аерозагадувањето ќе бидата поделени на хронично болните

- Advertisement -

Министерот за здравство, Венко Филипче потврди дека ќе се делат маски за заштита од аерозагадувањето, само сеуште немаат метод и на кој начин ќе бидат поделени.

Маски за заштита од аерозагадувањето ќе добијат 43.000 хронично болни граѓани. Сега го утврдуваме бројот на децата и начинот на кој би им ги поделиле маските, истакна денеска министерот за здравство Венко Филипче, одговарајќи на новинарско прашање.

Филипче посочи дека вчера имале комуникација со Министерството за животна средина и просторно планирање и апсолутно се согласни дека тоа не ја решава причината, но дека треба и мора да најдат начин да ги дистрибуираат маските, бидејќи, како што рече, сепак тоа е некаква форма на заштита.