Хуавеи поднесе тyжбa против САД поради одлуката американските владини институции да не користат опрема од кинескиот концерн.
Тyжбaтa насочена против забраната што американските институции ја имаат за користење на технологија и услуги од Хуавеи е поднесена во сојузниот суд во Плејно, Тексас, соопшти актуелниот претседавач на Хуавеи, Гуо Пинг.
Законот со кој беше забранета Хуавеи-технологијата беше потпишан од американскиот претседател Доналд Трамп минатата година поради бeзбeднocни причини. Таа зaбpaнa е „не само противправна, туку и го спречува Хуавеи да има фер-учество во конкурентската трка“, вели Гуо Пинг. Американскиот Конгрес, според него, досега не дал никакви докази кои можат да оправдаат вакви рестрикции. Шефот на правната служба на Хуавеи, Сонг Луоинг, изјави дека законот во САД се заснова „на голем број погрешни, недокажани и непроверени изјави“.
Освен тоа, Гуо Пинг ги обвинува САД дека го хакирале серверот на Хуавеи и дека украле имејлови и кодови. Гуо Пинг не даде подетални инфромации за ваквите обвинувања, но рече дека Вашингтон „прави сѐ за да го наклевети“ концернот.
Набљудувачите оценуваат дека судскиот процес кон кој стреми концернот е само симболичен чекор на Хуавеи. Изгледите за успех не се големи, но Хуавеи сака да даде сигнал против обвинувањата од страна на САД и да демонстрира отпор. На тој начин би требало да се врати довербата во Хуавеи и во други земји.
САД го обвинуваат концернот дека има врски со кинеската влада и претпоставуваат дека опремата и мобилните телефони од Хуавеи би можеле на шпионите да им бидат влез во информациите кои се државна или деловна тајна. Владата во Вашингтон сака да ги натера и своите сојузници да се откажат од опремата на Хуавеи. Кинескиот концерн ги отфрла ваквите обвинувања.
