- Advertisement -
- Advertisement -
Стотици ученици се водат за исчезнати откако се случи напад во средно училиште во северозападна Нигерија.
Напаѓачите пристигнале со мотоцикли и започнале да пукаат во воздух, што предизвикало луѓето да почнат да бегаат, изјавија очевидци, пренесува Би Би Си.
Синоќа беше нападнато владино средно училиште со повеќе од 800 ученици.
Повеќе од 200 ученици беа спасени, додека армијата и авијацијата се вклучија во потрагата по исчезнатите.
Жителите кои живеат во близина на интернатот за момчиња за Би Би Си изјавија дека слушнале истрели околу 23 часот и дека нападот траел повеќе од еден час.
Обезбедувањето во училиштето успеало да одбие некои напаѓачи пред да пристигне полициското засилување, соопштија официјалните лица.
