Липата во народната медицина се користи против здравствени тегоби, па дури и против анксиозност и нервоза. Цветот од липата билкарите го користат со векови.
Цветот од липата содржи железо, калциум, танин, манган, етерично масло, слуз, гликоза, шеќер, восок, жолта боја, манитол, фарнезол.
Традиционално се користи и против настинка, спречува воспаление на белите дробови, грип и други инфективни заболувања на дишните патишта проследени со грозница. Освен тоа, се користи и во лечењето на песокот на бубрегот.
Ги отстранува брчките и пегите од кожата на лицето, спречува опаѓање на косата, лечи изгореници и рани.
Истражувањата потврдиле дека чајот од овој цвет им помага на оние кои што имаат благи проблеми со бешиката, болки во стомакот или пак лошо варење со храната, како и гастрокардиолошки синдром.
Чајот од липа помага и во имунолошкиот систем, да се бори со вируси и инфекции. Во овој период пожелно е редовно да го пиете, а најдобро е да го подготвувате на овој начин:
Измешајте 25 грама шипки и цветови од липа и 15 грама кора од портокал. Сето тоа измешајте го и прелијте го со половина литар вода.
Пијте по 2-3 шолји загреан чај дневно.