Раководството на СДСМ му доверило мандат на Зоран Заев да води преговори за влез во владата со политичката партија БЕСА, со цел зголемување на владеачкото мнозинство, пренесуваат дел од медиумите, повикувајќи се на анонимен извор од партијата
Според изворот, Заев сакал да ги внесе во владата двете крила на БЕСА, кои поради несогласувања за тоа кој е претседател на партијата се поделија на табори лојални на различни лидери. Едниот табор близок до Билал Касами кој под своја контрола има два, другото под контрола на Африм Гаши кој има три пратеници.
БЕСА и ДУИ би можеле да направат рокада на министерските места, па така на пример ДУИ да замени ресор со БЕСА но со иста тежина, пренесува „Фокус“ повикувајќи се на анонимниот извор.
Од „Фокус“ додаваат дека засега ДУИ сакаат да си ги задржат ресорите, меѓу кои и оној во правда кој остана без прв човек, откако Биљен Салији си поднесе оставка поради случајот со малиот Алмир.
