Министрите во Владата на Република Македонија, државните службеници, административците – сите заедно, во работно време, со државни ресурси, учествуваат во изборната кампања на владејачката партија, пишува Република.мк.
СДСМ најавуваше строга динстикција меѓу државата и партијата, но како и се друго што ветуваше, и ова се покажа како голема лага. Дури и планот 3-6-9 на Владата на Заев, според неговите зборови, е базиран на забелешките на Прибе, но досега тоа се покажало како невистина. Клучните препораки на Прибе се однесуваат токму на раздвојување на државата од партијата.
Наместо изделување на партијата од државата и следење на препораките на Прибе, последно што видовме на терен е како министри учествуваат во кампањата. Шеќеринска излезе во Тетово во поддршка на кампањата на ДУИ, а вицепремиерот Анѓушев учетвуваше во кампањата на кандидатот на СДСМ за градоначалник на Куманово, Максим Димитриевски.
„Македонија сe врати на вистинскиот, на европскиот пат, кој ќе и овозможи со европска помош да напредува брзо и на централно и на локално ниво, преку директна помош за државни и општински потреби, водоводи, канализации , пречистителни станици“, порача синоќа министерката за одбрана Радмила Шекеринска на средбата со жителите на селото Неготино на средбата на жителите од ова село со кандидатот за градоначалник во општина Врапчиште Даут Демири.