По 19 години во Рома, Даниеле Де Роси ќе го напушти тимот од „Олимпико“ и ќе ја продолжи кариерата на друго место.
Легендата на клубот и поранешниот италијански репрезентативец требаше да замине во САД или Аргентина, но во последен момент се премисли и ќе остане во Серија А.
36-годишникот ќе потпише едногодишен договор со екипата на Фиорентина, што е големи изненадување за фудбалска Италија.
Со големо нетрпение ќе се очекува неговото прво гостување во Рим и прв натпревар против својата матична екипа.
Де Роси е европски шампион со младинската и светски првак со сениорската репрезентација на „азурите“.