Светлана Цеца Ражнатовиќ проговори за еден од најтешките периоди во својот живот. Имено, таа помина 4 месеци во затвор и конечно собра сили да проговори за тоа.
Имено, фолк дивата за време на акцијата „Сабја“ далечната 2003 година четири месеци помина во Централниот затвор, а еден детаљ кој го откри изненади многумина.
Додека ги поминуваше деновите зад решетки, Расим Љајиќ тогаш беше министер за човекови и малцински права, па ја посети во Централниот затвор пејачката.
-Тој тогаш беше во посета на Централниот затвор и така дојде до мене. Ме праша онака човечки: „Цецо, дали може нешто да направам за вас? Му реков: „Да секако! Ми треба пинцета-чупалица за средување на веѓите, не ми даваат“, открива пејачката и додава дека Расим бил шокиран од нејзината скромност.
-Што се однесува до тој човек, можам да ви кажам само најдобро. Исклучително е голем господин и за него имам само пофални зборови, рече Ражнатовиќ во новогодишното интервју за ТВ Нови Пазар и додаде дека периодот кој го поминала зад решетки за неа е голема болка, големо јавно понижување и голема неправда.
