Турскиот министер за надворешни работи, Мевлут Чавушоглу, изјави дека Анкара не се плаши од заканите на американскиот претседател Доналд Трамп, јавува Anadolu Agency (AA).
„Ние постојано велиме дека никогаш не се плашиме од заканите. Упатените закани кон економијата на Турција нема да ве донесат никаде“, изјави Чавушоглу на прес-конференцијата со неговиот луксембуршки колега, Жан Аселборн, во турскиот главен град, Анкара.
Тој ги даде овие изјави како одговор на заканата на Трамп дека ќе ја нападне економијата на Турција доколку Турција ја нападне терористичката група ПКК/ЈПГ, за време на повлекувањето на американските трупи од Сирија.
„Стратешките партнери не треба да комуницираат преку социјални медиуми“, додаде Чавушоглу, јасно осврнувајќи се на твитот на американскиот лидер.
„САД ќе ја уништат турската економија доколку тие ги нападнат Курдите“, напиша Трамп на Твитер во неделата, споредувајќи ги Курдите со терористичката организација ПКК/ЈПГ, забуна која Турција постојано ја критикува.
Чавушоглу изјави дека Турција не е непријател на курдскиот народ. Тој додаде дека постои сериозен притисок врз Трамп да не се повлекува од Сирија.
По неочекуваното соопштение во декември дека американските сили ќе ја напуштат Сирија, официјалните претставници на САД рекоа дека повлекувањето било условено од тоа што САД не ги напаѓале Курдите, кои ги сметаат еднакви со терористичката група ПКК/ПЈД.
Турските власти го критикуваа споредувањето на Курдите со терористичката организација од страна на САД, велејќи дека турската операција во Сирија е насочена кон терористичката организација која во Сирија ги загрозува Арапите, Туркмените и Курдите.
Во својата 30-годишна кампања против Турција, терористичката организација ПКК ги одзеде животите на околу 40.000 луѓе. ЈПГ/ПЈД е нејзин сириски огранок.
