Честитка од премиерот Димитриев по повод католичкиот Божик

Поврзано

- Advertisement -
- Advertisement -

Премиерот Емил Димитриев од лично и од име на Владата на Република Македонија упати честитка по повод католичкиот Божик до Киро Стојанов, скопски бискуп и апостолски егзарх во Македонија, до свештенството и монаштвото и до сите верници од католичка вероисповед.

emil-3

– Со векови наназад, празнувањето на Раѓањето Христово претставува особен симбол на христијанството. Со самото доаѓање на нашата земја, со неговата пожртвуваност и милосрдие, Синот Божји влеа надеж, верба и утеха на измаченото човештво. Токму затоа, Божиќ е празник кој нè учи да одиме по трагите на вистината, празник кој нè учи како се подарува љубовта, добрината, меѓусебното почитување и разбирање. Поради тоа, како и сите години претходно, така и оваа, да ги отвориме своите домови и вратите на своите души за светлината која доаѓа. Бог е со нас, а симбол на таквиот дар е Христовото раѓање, пишува Димитриев во честитката.

Тој посакува вредностите кои ги прославуваме славејќи го празникот да ни дадат сите нам сила, мудрост и инспирација за, како што вели, да продолжиме да работиме во интерес на граѓаните и нашата земја, за економски раст, подобрување на стандардот на граѓаните и унапредување на сите општествени сфери, за меѓусебно почитување и соработка помеѓу граѓаните и продолжување со изградба на напредна Република Македонија.

– Нека е за многу години денот. Со радост и добрина да ја споделиме љубовта Божја. Ви посакувам светлина и топлина во Вашите домови, бериќет и верба во себе и другите. Ви го честитам Божиќ и Ви посакувам убави празнични денови, многу здравје, многу радост, успех и благосостојба во наредната 2017 година. Христовата светлост нека ги осветли и стопли вашите срца и вашите домови. Бидете благословени. Нека Ви е честит и благословен големиот христијански празник – Божиќ, пишува во честитката на премиерот Димитриев по повод католичкиот Божик.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This