Мала група од невладините, самопрогласени „борци“ во моментов врши терор со индоктринација и пропаганда кон сите неистомисленици, луѓе од елитата, културата, образованието, работничка класа, буржоазија, кои, ги критикуваат и разобличуваат, пишува на својот ФБ профил новинарката Јорданка Ивановска- Јоци.
(ФБ статус на Јорданка Ивановска- Јоци)
ШАРЕНИ ДИКТАТОРИ
Онака како што се случи “Диктатура на пролетаријатот” по теркот на Ленин, така и нам ни се случи “Шарена диктатура” по т.н. “Шарената револуција”.
Ветените реформи за нормализирање на општеството, се претворени во “црвен терор”, а “шаком и капом” се грабаат позиции и привилегии, кои, порано биле во посед на грујовите војници.
Мала група од невладините, самопрогласени “борци, како ексклузивно заслужни за уривање на Груевски (иако за тоа се заслужни околу 420.000 граѓани), приграби за себе позиции, голем профит, и во моментов врши терор со индоктринација и пропаганда кон сите неистомисленици, луѓе од елитата, културата, образованието, работничка класа, буржоазија, кои, ги критикуваат и разобличуваат. И притоа се пресметуваат буквално со исти методи како и оние против кои се “бореле”.