Познатиот актер и поранешен гувернер на Америка, Арнолд Шварценегер не се откажува од јавната кавга со американскиот претседател Доналд Трамп.
Имено, кавгата ја започна Трамп минатиот месец, откако коментираше дека риалити шоуто „The Apprentice” има слаба гледаност откако актерот го води.
Претседателот некогаш беше ѕвезда на оваа шоу програма, а сега тука е Шварценегер, кого Трамп го прозива дека не знае како да ја одржи гледаноста.
„Беше грозен како гувернер на Калифорнија, а како водител е уште полош“ – изјави Трамп.
Актерот за „Men’s Journal” изјави дека прво му се јавил на својот асистент и му го рекол следното:„Ајде да размислиме за момент. Мојот предлог е да побараме состанок во Њујорк, а потоа да му ја расцепам главата од маса“.
Сепак, “Терминаторот“ сфатил дека не може да направи такво нешто, па објави видео на твитер во кое го прозива Трамп дека работи еднакво агресивно во корист на Американците исто како што било случај со неговата гледаност на шоуто.
Познатиот актер е задоволен со тоа како луѓето реагирале на овој пост бидејќи смета дека испаднал поголем дипломат од самиот Трамп и дека претседателот треба да се угледа на него.
Please study this quote from Lincoln’s inaugural, @realDonaldTrump. It inspired me every day I was Governor, and I hope it inspires you.
