Со програмата „РЕАЛНО“ на ВМРО-ДПМНЕ е предвидено и рестартирање на некогашниот гигант ШИК „Јелак“ од Тетово, фабрика која беше жртва на транзиционата политика на СДСМ поради кој многу граѓани од Тетово и тетовско останаа без работа и животна егзистенција.
Горан Манојловски од ВМРО-ДПМНЕ истакна дека поради многуте такви стопански капацитети кои беа опустошени во времето на СДСМ, ВМРО-ДПМНЕ на овие избори излегува со сет на мерки кои предвидуваат рестартирање на овие капацитети.
-ВМРО-ДПМНЕ во својата проеграма го предвиде проектот „Рестартирање на стопанските капацитети жртви на транзицијата“. Со цел рестартирање на стопанските капацитети кои беа опустошени во транзицијата во 90-те години во програмата 2017-2020 година се предвидува проект „Рестартирање на стопанските капацитети жртви на транзицијата“. Со овој проект е опфатена и фабриката ШИК„Јелак“ од Тетово пред која сме и денес. Со оглед дека овој проект овозможува големи поволности што се даваат на инвеститорите очекуваме нејзино рестартирање и повторно вработување на многу тетовци во неа, посочи Манојловски.
