Црногорскиот премиер Душко Марковиќ изјави дека обврска на Македонија, а не на Црна Гора, беше да се грижи да не побегне нејзиниот поранешен премиер Никола Груевски. Марковиќ му порача на премиерот на Македонија Зоран Заев да се позанимава со прашањето зошто навреме не била распишана потерница за Груевски.
-Mојот пријател Заев треба да се позанимава со фактот зошто навреме не била распишана потерница за Груевски и како влегол во држава без ЕУ пасош – ова прашање не може да го одговори Црна Гора ”
Коментирајќи ја изјавата на Заев кој пред неколку дена рече дека се чуди што четири земји пријателки на Македонија го дозволиле бегството на Груевски преку нивна територија, Марковиќ изјави дека Груевски низ Црна Гора минал на целосно законски начин, врз основа на личните документи кои ги имал.
