Рускиот претседател Владимир Путин изјави дека Русија со посебно внимание ги следи случувањата во Македонија објаснувајќи дека политичката ситуација во земјата може да се реши само согласно следење на Уставот и демократските принципи
Претседателот на Русија тоа го кажал во разговорот со Македонскиот претседател Ѓорѓе Иванов, кој е во дводневна работна посета на Москва.
„Уверен сум дека Вашето искуство, Вашето влијание и авторитет ќе допринесат кон тоа“, му рекол Путин на претседателот Иванов.
Пути изразил и задоволство за унапредувањето на македонско-руските односи и како што вели, има позитивно придвижување во економската размена.
На почетокот на состанокот рускиот претседател на Иванов му ја честиташе наградата „Неговата светост патријарх московски и на цела Русија Александар Втори“, која вчера му ја врачи рускиот патријарх Кирил за унапредување на православната соработка.
Освен ова Путин го честиташе и денешниот празник Св.Кирил и Методиј, додавајќи дека двајцата просветители кои ја донеле писменоста и на просторите на Русија, се од Македонија.
„Денес го одбележуваме сеќавањето на сесловенските просветители – светите браќа Кирил и Методиј кои се наши духовни учители. Срдечно ви се заблагодарувам што ми ја доделивте оваа награда. Таа има големо значење за мене лично како претседател“, рекол Иванов.