Наградата која УЧК му ја врачи на поранешниот прв човек на Фондацијата “Отворено општество” и најпозната соросова фигура во Македонија, Владимир Милчин, предзивика лавина од реакции на социјалните мрежи
Граѓаните коментираат за поданичкиот и понизен поглед на Милчин до косовскиот претседател Хашим Тачи. Милчин беше одликуван “за заслуги за унапредување на Албанците”, потег кој предизвика револт кај Македонците. Екс-директорот на Соросовата фондација се најде меѓу стоте личности од Македонија кои беа одликувани, меѓу кои и лидерите на ДУИ и на ДПА, Али Ахмети и Мендух Тачи. Граѓаните на социјалните мрежи коментираат дека наградата е резултат на долготрајни напори, посветеност и макотрпна работа од страна на Милчин.
Одликувањето на Милчин не е изненадување. Минатата година организираше митинг на СДСМ на кое беа декларирани ставовите кои денес се изборна платформа на СДСМ, двојазичност и промена на Уставот. На тој митинг присуствуваа и поддржувачи и членови на косовската бригада, на УЧК, како и нескриено се истакнуваа и симболите на Голема Албанија.
На Хашим Тачи, претседателот на Косово, во предвечерието на 108-годишнина од албанската азбука му текна на Милчин и на неговите претстави во Приштина во 1984 година, 1985 и 1986 година. Па спомнувајќи си на таа прекрасна атмосфера на Косово додека удбашкиот шпион Милчин режирал нережимски социјалистички театарски претстави, си рекол „мора да му дадам медал!”
Зошто, доколку оставил на Косово „толкав” впечаток, Милчин не беше одликуван „за културата” од Ибрахим Ругова, кој, можеби, и ги следел претставите? Или потоа од Фатмир Сејдиу? Еве, ако не, барем од Атифете Јахјага, на пример?
За потсетување, вистинскиот организатор и на протестот, а, како што се чини, и на политичката криза во земјата, беше Владимир Милчин. Секако, тука беа и придружните вокали во форма на граѓански здруженија, а заедничко на сите, вклучително и СДСМ, е тоа што, всушност, сите тие “се хранат” од џепарлакот од Сорос, според раката на Милчин.
На митингот беше истакната и јавна поддршка за 113. косовска бригата именувана по Исмет Јашари, чии членови и челни луѓе го предводеа упадот во Куманово една недела пред митингот. Во таа пресметка со терористите паднаа осум полициски животи. На тоа се надоврзуваат и симболите за идеите за Голема Албанија, со кои насекаде на Балканот се предизвикуваат инциденти, поткрепени и со скандирања за УЧК. Заев и СДСМ потоа ја почнаа кампањата кон албанските гласови.
Побаравме став од Фондацијата “Отворено општество – Македонија# за одликувањето на Милчин, но од таму само кусо ни одговорија дека Милчин веќе година и повеќе не е извршен директор на ФООМ, а за повеќе детали прашања да испратиме на официјалната и-мејл адреса. По писмен пат прашавме колку Фондацијата е горда на наградата која УЧК му ја додели на Владимир Милчин, но добивме само одговор дека ФООМ немал никаква врска со овие одликувања.
Зошто сега и зошто Хашим Тачи, познат како Командант Змија? Со што толку Милчин го импресионирал Тачи, обвинет од Карла дел Понте за трговија со човечки органи и осомничен од Советот на Европа за малтретирање Срби и Роми, за да го награди?
Ниту годинава е некој јубилеј од Албанската азбука, ниту, пак, е јубилеј од Косовската независност; ниту, пак, волшебните претстави, кои „го поттикнале будењето на Косово” на Милчин, имаат некој датум што би се врзал со оваа 2016 година.
Инаку, во своето обраќање, Хашим Тачи ја оцени Ослободителната војска на Косово (УЧК) како најважен национален проект и „најуспешна политичко-воена организација на 20 век#. Тоа, посочува Тачи пред присутните, “не би било возможно без вас, вашата жртва и братска помош#.
– Денешната церемонија е знак на благодарност кон борците и војниците кои ги дадоа животите во правичните битки на ОВК, за оние кои се бореа и кои пружиле отпор во нејзините редови- додаде Тачи, кој изрази благодарност на политичките активисти кои на време имале потребна визија, смисла и подготвеност да се ориентираат кон заштита на албанските национални интереси.