ШУМАХЕР ЌЕ ВОЗИ ВО ТАНДЕМ СО ФЕТЕЛ ЗА „КУПОТ НА НАЦИИТЕ“: Синот на легендарниот Формула 1 возач ќе ги брани боите на Германија

Поврзано

- Advertisement -
- Advertisement -

Шампионот во Формула 3, Мик Шумахер ќе учествува во „Трката на шампионите“, која ќе се одржи во јануари 2019 година. Шумахер ќе биде во тандем со Себастијан Фетел за „Купот на нациите“, претставувајќи ја Германија.

Шумахер помладиот ќе ја продолжи традицијата на својот татко – легендарниот шампион во Формула 1, Михаел Шумахер – и на Фетел, кои имаат шест последователни победи како тим на „Трката на шампионите“ во периодот 2007 – 2012.

– За мене е чест да влезам во оваа трка, која татко ми многу ја сакаше и во која крена високо границата заедно со Себастијан. Ќе се забавувам, но во исто време ќе дадам се за да победам во индивидуалното натпреварување, како и во тимот со Фетел, прокоментира Мик Шумахер.

„Трката на шампионите“ (RoC) ќе се одржи на специјално создадена за настанот писта во близина на трибините на Ф1 патеката во Мексико Сити на 19 – 20 јануари. Претседателот на натпреварувањето, Фредрик Џонсон изјави дека влегувањето на младиот Шумахер во трката ќе биде многу емотивен момент поради историјата на неговиот татко Михаел.

– Дури не можеме да опишеме колку сме среќни од веста. Неговиот татко е наш пријател многу години. Ние продолжуваме да му посакуваме успех во рехабилитацијата. Возбудени сме да видиме што може да покаже Мик со идентични автомобили. Кога Мик ќе застане до Фетел сигурно ќе биде многу емотивен момент, вели Џонсон.

Во првото издание на „Трката на шампионите“ по ски инцидентот на Михаел Шумахер, немаше германски тим. Потоа Фетел се здружи со Нико Хулкенберг и Паскал Верлејн. Во 2017 година Фетел сам го освои тимското првенство откако Верлејн заработи повреда уште при индивидуалното натпреварување.

МИА

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This