Ѓорѓиевски: Договорот за промена на името кој Заев и Димитров го потпишаа со Грција е штетен и капитулантски

Поврзано

- Advertisement -
- Advertisement -

Договорот за промена на името кој Заев и Димитров го потпишаа со Грција е штетен и капитулантски. Според членот 1 од договорот, името ќе биде обврзувачко и неотповикливо, истакна Орце Ѓорѓиевски, член на ИК на ВМРО-ДПМНЕ на денешната прес-конференција.

Ѓорѓиевски нагласи дека Заев ја запечатува судбината на државата и го менува името трајно. Заев трајно го понижува целиот македонски народ.

-Со овој договор Република Македонија доброволно се откажува од привремената спогодба помеѓу Република Македонија и Грција, од 13 септември 1995 година, со која Грција се обврза да не го блокира нашето пристапување кон меѓународните организации под привремената референца. Со овој договор Република Македонија дополнително се откажува и од пресудата на меѓународниот суд во Хаг од 2011 година, пресуда која нотира дека Македонија е во право, а Грција не е во право и истовремено наложува на Грција дека не смее да ја блокира Македонија за членство во ЕУ и НАТО. Тоа е нешто што беше тешко стекнато и беше победа на нашата дипломатија во тоа време. Заев и Димитров само со еден потпис ја укинаа одлуката на судот на Обединетите Нации во Хаг. Со овој договор Заев и Димитров се ставија над меѓународното право кое беше на страната на Република Македонија и истото го погазуваат, вели членот на ИК на ВМРО-ДПМНЕ.

Ѓорѓиевски посочува дека Заев лаже кога вели дека Република Македонија ништо не губи со овој договор. Со потпишувањето на овој договор директно се задира во идентитетот и јазикот на нашиот народ, директно се менува Уставот и секаде ние ќе бидеме Северна  Македонија.

-Заев лаже дека нема да има промена на кодовите. Согласно овој договор за промена на името кој што го потпишаа Заев и Димитров кодовите се менуваат и наместо МК и МКД ќе биде НМ и НМК. Ваквата капитулација не е и не може да биде покритие за криминалниот картел на власта. Ваквиот штетен договор не може да биде покритие за барањето поткуп кое што впрочем го видоа сите граѓани на Република Македонија и амнестијата која што истовремено сам си ја обезбеди Зоран Заев. Затоа Македонија не ги отпочна преговорите за членство со Европската Унија туку се бараат дополнителни услови и исполнување на реформи кои оваа неспособна и расипничка власт очигледно не умее да ги изведе. Република Македонија е оштетена страна со овој договор, а целиот наш македонски народ е губитник. Ова понижување не смее да продолжи. Зоран Заев и СДСМ мора час поскоро да си заминат од македонската политичка сцена. Република Македонија мора да тргне напред, истакнува Ѓорѓиевски на денешната прес-конференција.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This