Во Кривичен суд во моментов се слушаат снимки кои, како што рече обвинителката Вилма Рускоска, ги направил сега првостепено осудениот Зоран Милевски – Кичеец.
Иако не се слуша јасно за што точно разговараат Јовановски и Кичеец, во разговорот има и други гласови.
Обвинителството најави дека има три снимки кои ќе се презентираат, а потоа јавноста ќе биде исклучена за приватни разговори меѓу Боки 13 и Кичеец.
На ова реагираше Јованвоски кој рече дека сака да биде отстранет од судница за време на емитувањето на тие разговори, а потоа по координација со Јанева одлучија дека сите снимки треба да бидат презентирани и јавноста да биде исклучена.
„Бараме да не биде исклучена јавноста во процесот. Бараме целокупното УСБ на Зоран Кичеец да биде презентирано денеска, и бараме да не бидат исклучени непријатните работи, за да се види кој манипулира, кој нуди рекет, кој нуди поткуп, кој е изманипулиран во интерес на јавноста“, рече Јанева на денешното рочиште.
Катица додаде дека обвинителството требало да мисли кога предложувало докази, a Рускоска и врати дека таа да мислела, немаше сега да биде на обвинителна клупа.
По ова се вклучи и Бојан Јовановски кој вербално ја нападна обивнителката Рускоска дека монтирала случаи.