Коалицијата за чист воздух О2 обвинува за манипулација со мерните станици кои не покажуваат загадување на воздухот и покрај фактот што граѓаните секојдневно гледаат огромни облаци чад кои излегуваат од оџаците на фабриките
Од О2 велат дека веќе 7ми ден од Железара се надвиваат огромно облаци чад отприлика во исто време, а мерните станици не детектираат ништо. Според нив нај симптоматично е што најблиската мерна станица која треба да го детектира загадувањето, мерната станица во Гази Баба не работи.
Коалицијата О2 го обвини Градот Скопје и градоначалникот Петре Шилегов, државниот Инспекторат за животна средина како и заменик министерот за животна средија Јани Макрадули за крајна неажурност во справувањето со загадувањето и обиди за манипулација со вистинската слика за состојбата со воздухот во главниот град на државата.
