На вечерашната вондредна прес-конференција на ВМРО-ДПМНЕ, Генералниот секретар на партијата, Игор Јанушев истакна дека власта го нема потребното мнозинство за да ги изгласа уставните измени во Собранието. Тој посочи дека во текот на целиот овој ден Зоран Заев, односно малцинството врши невидено насилие врз мнозинството и ја силува демократијата во Македонија.
Јанушев потенцираше дека во текот на целиот ден на пратениците на опозицијат им биле нудени милионски суми на пари за да гласаат за промена на уставното име. Јанушев спомена суми од милион, два милиони евра и 250 илјади евра кои досега биле нудени на пратеници од опозицијата. Генералниот секретар на најголемата опозициска партија на својата прес-конференција спомена и сомнителни лица, за кои има сознанија дека се дел од криминалното подземје кои ви текот на целиот денешен ден биле распоредени околу собранието.
https://www.facebook.com/iNFOMAX.mk/videos/928752620644050/
