Намерно или не, Јоханес Хан со својот „твит“ потврди дека неодамна разрешениот Петар Богојоевски – Бонтур и екс-министерот Никола Тодоров гласале „За“ промена на името на референдумот организиран од владејачкото мнозинство
Еврокомесарот за проширување и добрососедска политика преку еден од своите „твитови“ откри многу повеќе за македонската јавност отколку што на прв поглед изгледа.
„Добра средба со македонските колеги Петар Богојески, Емилија Александрова, Никола Тодоров на самитот на ЕПП. Ја поздравувам нивната храброст за гласањето за Договорот од Преспа. Сите закани против нив мора да престанат! Сите партии треба да работат за ЕУ агендата, која ја сака поголемиот дел од граѓанита“, напиша Хан на Твитер.
Со ова тој директно потврди дека Никола Тодоров, кој велеше дека ќе го поништел гласачкото ливче и Петар Богојески, кој кој велеше дека ќе гласал против, всушност гласале „За“ промена на уставното име на референдумот за промена на името.
Тој исто така потврди дека Тодоров, но и Сашо Мијалков преку Емилија Александрова ги организирале 8-те пратеници да гласаат во корист на предложените уставни измени во Собранието на Р.Македонија.
